Dorrit Moussaieff, fyrrverandi forsetafrú Íslands og eiginkona Ólafs Ragnars Grímssonar nýtur lífsins í Tyrklandi um þessar mundir með vinum sínum.
Dorrit er dugleg að deila lífi sínu með fylgjendum sínum á Instagram en þar má sjá að hún kann að lifa lífinu. Í nýjustu færslunum má til að mynda sjá hana á sjóskíðum en það mætti halda að hún hefði aldrei gert neitt annað, slík eru tilþrifin. Má horfa á herlegheitin hér.
Í færslunum má sjá að hún er í Tyrklandi eða nánar tiltekið í borginni Bodrum en hún er ekki ein, þvert á móti. Á nýjustu ljósmyndinni sést hún í sannkölluðum karlafans við sjóinn. Ekki er Ólafur Ragnar á myndinni en mögulega er hann sá sem heldur á myndavélinni en það fylgir ekki sögunni. Við færsluna skrifar hún „ímyndið ykkur…“ og setur þrjú myllumerki við: #Bodrum, #boats og #magic.
Hér fyrir neðan má sjá myndirnar en það er ekki erfitt að ímynda sér að lífið í Bodrum er ljúft um þessar mundir.