Miðvikudagur 27. mars, 2024
-0.2 C
Reykjavik

Egill Helgason um Háskólabíó: „Ævintýrahöll – og einhver magnaðasta bygging á Íslandi“

VefTv

- Auglýsing -

Hlaðvörp

- Auglýsing -

Háskólabíó á sérstakan stað í hjörtu margra kvikmyndaáhugamanna enda er stóri salurinn þar með þeim fallegri á landinu. Nú hefur verið ákveðið að hætta kvikmyndasýningum í húsinu. Egill Helgason fjölmiðlamaður er einn þeirra áhugamanna sem þykir vænt um bíóið.

Í nýrri færslu á Facebook skrifar Egill um gamla Háskólabíó og rifjar upp ferðir þangað í æsku. Segir hann að gamla Háskólabíó lifi „í minningunni sem glæsilegasti kvikmyndasalur landsins og þótt víðar væri leitað.“

Færsluna má lesa hér:

„Upphafið að ást minni á kvikmyndum var Háskólabíó. Þessi stórfenglega bygging reis upp úr melunum innan um skólana sem ég gekk í: Hagaborg, Melaskóla, Hagaskóla. Ég hef varla verið nema svona sjö ára þegar ég fór að venja komur mínar í Háskólabíó. Best fannst mér að fara einn á fimmsýningar og eiga næstum allan salinn. Það voru alls konar myndir í boði og ekki allar frábærar (Carry On!) – en ég man líka eftir aukamyndunum sem voru á undan sjálfri bíósýningunni. Þær komu frá Bretlandi og sýndu yfirleitt drottningarmóðurina opna blómasýningar. Ég er náttúrlega að tala um stóra salinn í Háskólabíói – hann er alltaf jafn tilkomumikill með sínu risastóra tjaldi. Seinna var reist nýbygging við Háskólabíó. Hún er eiginlega ekki verðug þess að standa við hlið gamla hússins og bíósalirnir sem þar eru bjóða ekki upp á mikil þægindi eða sýningargæði. Því er skilanlegt að hætt sé að sýna bíó þarna vesturfrá, aðsóknin hefur jú minnkað mikið. En hið gamla Háskólabíó lifir í minningunni sem glæsilegasti kvikmyndasalur landsins og þótt víðar væri leitað. Ævintýrahöll – og einhver magnaðasta bygging á Íslandi.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -