Fjölmiðlakonan Elín Hirst kom til móts við gönguhóp Ferðafélags Íslands við rætur Úlfarsfells. För hennar var framan af leynileg en fjölmiðlakonan afhjúpaðist þegar hún hitti hópinn. Hún var leynigestur í vikulegri göngu félagsins sem farin er á miðvikudögum kl. 18. leikurinn gengur út á það að vísbdingar eru gefnar um leynigestina á Facebooksíðu Hliðarskrefsins. Sá sem fyrstur giskar á rétt nafn hreppir verðlaun. Vísendingar um Elínu voru Stöð 2, Svalbarði, stórhættuleg veira og af þýskum ættum. Ólöf Arngrímsdóttir reyndist vera getspökust að þessu sinni. Hún fékk bókina Afi minn, stríðsfanginn áritaða úr hendi Elínar. Rithöfundurinn las kaflabrot úr bókinni þegar afi hennar, Karl Hirst, var handtekinn á vinnustað sínum í Reykjavík. Góður rómur var gerður að lestri hennar.
Leynigestir Ferðafélagsins eru vikulegur viðburður á Úlfarsfelli. Allir eru velkomnir í gönguna. Þeir sem vilja fylgjast með geta skráð sig í Hliðarskrefið á Facebook. Gefnar hafa verið vísbendingar um næsta leynigest sem kemur á fjallið miðvikudaginn 15. nóvember. Fyrsta vísbending er: Lögfræðinemi.