Miðvikudagur 29. júní, 2022
14.8 C
Reykjavik

Elísabet á batavegi: „Jákvætt próf á sunnudaginn, fundur með forsætisráðherranum á miðvikudaginn“

Helgarviðtalið

- Auglýsing -

Orðrómur

- Auglýsing -

Elísabet Englandsdrottning hélt sinn vikulega símafund með Boris Johnson, forsætisráðherra Bretlands, í gær. Hún frestaði hinsvegar tveimur áheyrnum sem áttu að fara fram í gegnum fjarfundarbúnað í dag. Drottningin greindist með Covid-19 á sunnudag.

Buckingham-höll staðfestir þetta en segir drottninguna vera með væg einkenni sjúkdómsins. Elísabet er 95 ára gömul.

Drottningin frestaði sömuleiðis myndbandsspjalli á þriðjudag en í gærkvöld sögðu heimildarmenn konungsfjölskyldunnar að Elísabet væri þegar að jafna sig á veirunni, eftir að hafa einungis veikt lítillega.

Hin þríbólusetta drottning þótti svo góð af einkennum sínum að hún ákvað að fresta ekki símafundi sínum við Boris Johnson, forsætisráðherra Bretlands. Að sögn átti hún myndbandssímtal við forsætisráðherrann frá Windsor-kastala.

„Hún er þegar að jafna sig á Covid – það er ótrúlegt að hugsa til þess hve hratt henni hefur tekist það,“ segir heimildamaður breska götublaðsins The Sun.

„Þess vegna er hún svona mikill innblástur. Jákvætt próf á sunnudaginn, fundur með forsætisráðherranum á miðvikudaginn. Ekki slæmt fyrir 95 ára einstakling.“

- Auglýsing -

Samkvæmt talsmanni konungshallarinnar hefur áheyrnunum tveimur, sem drottningin átti að veita í dag, verið frestað fram til síðari tíma.

„Hennar hátign heldur áfram með léttari skyldur. Engar frekari skuldbindingar eru á dagskrá þessa vikuna,“ segir í tilkynningu frá höllinni.

Anna prinsessa, dóttir Elísabetar Englandsdrottningar, yfirgaf Windsor-kastala í gær eftir að hafa eytt tveimur dögum þar með móður sinni. Á vef The Sun segir að út frá því megi ætla að Elísabet sé á batavegi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -