- Auglýsing -
Simon Leviev er ísraelskur svikahrappur sem notaði ótrúlegar aðferðir til að svindla á konum, í heildina hafði hann af þeim rúma tíu milljón dollara. Hann notaði stefnumótaforritið Tinder til að lokka til sín fórnalömb.
Heimildarmyndin The Tinder Swindler fjallar um glæpi Simon og fórnalömb hans en hún hefur notið mikilla vinsælda um allan heim á Netflix.
Simon fékk 15 mánaða fangelsisdóm fyrir fjársvik árið 2019 en sat aðeins inni í fimm mánuði vegna kórónuveirunnar, síðan þá hefur hann lifað góðu lífi.
Nú hefur skjáskotum verið dreift á Twitter, þar virðist Simon vera mættur til leiks á Íslandi með nýjan Tinder aðgang, ekki er þó staðfest að um Simon sjálfan sé að ræða en einfalt er að gera Tinder aðgang undir fölsku flaggi.
