Mánudagur 20. maí, 2024
6.8 C
Reykjavik

Eurovision-partý og happdrætti til styrktar Hugarafli: „Okkur er umhugað um andlega heilsu“

VefTv

- Auglýsing -

Hlaðvörp

- Auglýsing -

Íslendingar eru Eurovision-óðir um þessar mundir enda hátíðin skollin á. Nokkrir Zumba-danskennarar hafa ákveðið að halda Eurovision-danspartý og happdrætti til styrktar Hugarafli.

Viðburðurinn fer fram næstkomandi laugardag, 13. maí kl. 11:30 í sal 4 í World Class Laugum. Það eru þau Anna Claessen, Friðrik Agni, Sigrún Kjarntans og Þórunn Steindórs sem bjóða upp á dansstuð og happdrætti til styrktar Hugarafli en aðeins kostar 2.500 krónur inn en tekið er við reiðuféi eða QR kóða.

Mannlíf ræddi við Friðrik Agna Árnason, eins af Zumba-kennurunum og spurði hann af hverju þau hafi ákveðið að styrkja Hugarafl.„Okkur er umhugað um andlega heilsu. Bæði ég og Anna höfum leitað okkur aðstoðar vegna geðheilsu. Hugarafl eru samtök sem eru svo aðgengileg og byggja hjálpsemi sína á jafningargrundvelli sem og fræðilegum. Þú getur alltaf leitað til Hugarafls og þar liggur herslumunurinn. Þú getur mætt og þau eru til staðar. Þau eru að vinna gríðarlega gott starf og eru í sumum tilfellum bókstaflega að bjarga mannslífum. Okkur finnst líka þessi dansgleði eiga mikla samleið við almenna andlega heilsu. Við losum um svo mikil gleðihormón þegar við dönsum. Þannig nú ætlum við að sameina það að líða vel í dansi og Eurovision gír við að efla mikilvæga stoð starfsemi myndi ég segja þegar kemur að andlegri heilsu í samfélaginu.“

En hvað er svo í verðlaun í happdrættinu?

„Það eru vinningar frá Artasan sem ætla að gefa einhvern flottan heilsuvörupakka, Laugar Spa, Pizzan gefur vinninga og svo eiga fleiri eftir að staðfesta. Svo er líka bara gaman að Diljá okkar er líka að syngja um kvíða og andlegan kraft til að yfirstíga kvíðann. Þannig þetta er þemað í ár klárlega.“

Hlekkur að viðburðinum á Facebook er hér.Fyrir þá sem komast ekki en vilja styrkja
https://hugarafl.is/styrkja-hugarafl/

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -