Frá og með 2. apríl verða nokkrar götur í miðborg Reykjavíkur lokaðar í fjóra daga vegna kvikmyndataka fyrir Netflix. Myndin sem um ræðir er njósnaratryllinn „Heart of Stone“ og mun ísraelska stórleikkonan Gal Gadot (36), fara með aðalhlutverkið í myndinni.
Greint er frá því að framleiðsluteymið hafi verið í samstarfi við Reykjavíkurborg, Vegagerðina, lögregluyfirvöld og Hörpu. Alls mun verða 600 manns í tökuliðinu, auk 400 aukaleikara.
Tökur hefjast í byrjun apríl og verða flóknustu atriðin tekin upp við Frakkastíg, Sæbraut og við Hörpu og verða þessir staðir lokaðir í nokkrar klukkustundir á meðan tökum stendur.
Leikkonan varð heimsfræg eftir hlutverk sitt sem „Wonder Woman í Batman v Superman: Dawn of Justice.“ Meðal leikara í þeirri mynd voru 
Jamie Dornan, Alia Bhatt, Sophie Okonedo, Matthias Schweighöfer, Jing Lusi og Paul Ready.
Framleiðslufyrirtækið á bakvið Heart of Stone er Skydance Media, þekkt fyrir verk sín á Mission: Impossible: Fallout, The Old Guard, Annihilation, Top Gun: Maverick og mörgum fleiri. Myndinni verður leikstýrt af Tom Harper (áður Peaky Blinders, The Aeronauts, Wild Rose, War & Peace og fleiri.
