„Eins yndislega gaman og það er að lifa með hálfa þjóðina á bakinu þá hefur mér aldrei tekist að venjast áreitinu sem því fylgir. Síðustu vikur hafa verið pínu yfirþyrmandi bæði fyrir mig og fjölskylduna mína svo næstu dagar og jafnvel vikur fara í smá hvíld og uppbyggingu,“ segir Hafdís Björg Kristjánsdóttir, fitnessdrottning og eigandi líkamsmeðferðarstofunnar Virago í nýrri Instaram-færslu og bætir við:
„Ég mun ekki svara neinum skilaboðum sama frá hverjum þau koma næstu daga og er það ekkert persónulegt, en ég mun kannski svara þeim þegar ég kem endurnærð til baka.“
Hafdís er vel þekkt í fitness heiminum og hefur hún einnig verið áberandi á samfélagsmiðlum.
Hafdís komst þó í sviðsljósið fyrir nokkru fyrir meint ástarsamband sitt við áhrifavaldinn og sjómanninn Kleina. Þá er ljóst að áreitið hefur náð til Hafdísar sem hefur nú dregið sig til hlés ef marka má Instagram-póst hennar en sjálf er hún með tæplega 17 þúsund fylgendur.