Líkt og margir vita er Hollywood leikkonan Gal Gadot stödd á Íslandi um þessar mundir. Gal, ásamt öðrum stórleikurum er hér á landi við tökur á kvikmyndinni Heart of Stone og verður nokkrum götum borgarinnar lokað tímabundið á næstu dögum líkt og Mannlíf greindi frá í gær. Samkvæmt heimildum Mannlífs mun stjarnan stoppa við í Ármúlanum í dag, en er hún talin eiga erindi á hársnyrtistofunni Gossip um ellefu leytið.
Gal Gadot hefur í nokkur skipti verið valin fegursta kona heims af erlendum tímaritum en er fegurðardísin einnig afbragðs leikkona. Dagmar Ásmundsdóttir, einn af eigendum Gossip, gat ekki staðfest fréttirnar þegar blaðamaður Mannlífs ræddi við hana í gær.
„Við getum ekki staðfest svona, því miður,“ sagði Dagmar sem vildi mest lítið um málið segja.