Laugardagur 22. janúar, 2022
1.4 C
Reykjavik

Jóhanna Guðrún sár út í Smartland: „Hef aldrei séð fjöl­miðil gera þetta og fannst mér það ljótt“

Helgarviðtalið

- Auglýsing -

Orðrómur

- Auglýsing -

Stórsöng­konan Jóhanna Guð­rún Jóns­dóttir segir í við­tali við Vísi að henni hafi brugðið mjög að sjá frétt þess efnis að hún væri ó­létt; hún hafði ekki einu sinni verið búin að segja dóttur sinni að hún væri að fara að eignast nýtt syst­kin.

Jóhanna Guð­rún skildi við eiginmann sinn og barns­föður fyrr á árinu; var greint frá því að hún væri komin í sam­band með Ólafi Frið­riki Ólafs­syni – en hann var áður kærasti hennar.
Jóhanna Guðrún segir að það hafi verið erfitt að sjá frétt á mbl.is um að hún ætti von á barni. Og hún er ekki sátt:
„Ef það er eitt­hvað sem ég hef lært, því miður, að í þessum geira sem ég er í þá verður maður svo­lítið bara að kyngja því að maður á sér ekkert „priva­cy“. Þetta var samt alveg pínu á­fall fyrir mig, að þetta skyldi vera til­kynnt án þess að ein­hver reyndi einu sinni að hafa sam­band við mig. Ég var ekki einu sinni búin að segja dóttur minni þetta,“ sagði Jóhanna Guð­rún í áðurnefndu viðtali við Vísi.
Marta María Jónasdóttir ritstjóri Smartlands.
Jóhanna Guð­rún hafði ætlað að bíða eftir að 20 vikna sónar, til að segja börnunum sínum gleðifréttirnar:
„Ég þurfti að hringja í frí­stunda­heimilið hjá dóttur minni og segja henni þetta í símanum af því að fólk var byrjað að blaðra um þetta út um allt. Þetta finnst mér ljótt. Ég skildi fréttirnar um mig og Óla, ég vissi að það kæmi fyrr eða síðar. En ég hef aldrei séð áður fjöl­miðil gera þetta. Ég varð leið. Ég er ekki mjög hörunds­ár en þetta fannst mér inn­rás inn í mitt einka­líf. Meira heldur en það sem maður á að þurfa að þola. Líka bara af því að börnin eru í nýjum aðstæðum, með nýjan stjúppabba og á nýju heimili. Maður er því kannski ekki að segja þetta nema maður viti að allt sé í lagi,“ segir Jóhanna Guðrún og bætir við:
Jóhanna og Ólafur.
Mynd: Instagramskjáskot

„Ég er alveg nokkuð viss um að þessi blaðamaður sem setti þessa frétt inn, hún hefur pottþétt ekki gert sér grein fyrir því að ég á tvö börn. Ég á sex ára barn í skóla, þar sem fólk talar. Hún vissi ekki að ég væri ófrísk svo þetta gerði mig mjög reiða.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -