Grínistinn og fyrrverandi borgarstjórinn Jón Gnarr tók sig til í gær og skellti gömlu efni frá Tvíhöfða, sem var útvarpsþáttur hans og Sigurjóns Kjartanssonar í fjöldi ára, inn á YouTube rás sína, mörgum til mikillar gleði.
Jón skrifaði færslu í nótt þar sem segir frá nýjustu iðju sinni; setja gamlar gersemar úr útvarpsþættinum Tvíhöfða inn á YouTube en margt af þessu hefur ekki komið fyrir eyru almennings í meira en áratug. Hér er færslan:
„kominn uppfyrir daily limitið á youtube í dag. nokkur terabæt bíða betri tíma. guðminnalmáttugur hvað maður er búinn að gera mikið. bull og þvaður hefur verið mitt helsta framlag hér á jörð. minn raunverulegi styrkleiki, að geta bullað og þvaðrað útí eitt. vá. góða nótt“
Steinþór nokkur skrifaði athugasemd sem sjálfsagt fjölmargir geta tekið undir:
„Takk Jón. Hefur gert slæma daga betri í gegnum tíðina.“
Hér fyrir neðan má hlusta á stórkostlegt „símtal“ Sigurjóns við Medister Magnús.