Kanadíska þjóðlagagoðsögnin Joni Mitchell kom fram á tónlistarhátíð á sunnudaginn en er þetta í fyrsta skipti í níu ár sem hún kemur opinberlega fram.
Hin kanadíska þjóðlagasöngkona og goðsögn í lifanda lífi, Joni Mitchell kom fram í fyrradag á þjóðlagatónlistarhátíðinni Newport Folk Festival og tók nokkur af sínum frægustu lögum og þótti takast vel, miðað við aldur og fyrri störf en söngkonan er 78 ára. Árið 2015 fékk Joni heilablóðfall og þurfti á endurhæfingu að halda eftir áfallið. Joni sat á sviðinu í glæsilegum stól og söng ásamt Brandi Charlile og bakraddarsöngkonum en það var auðséð að þessi stund tók á listamennina enda hreint ótrúlegt að hún geti enn sungið sín fallegu lög.
Hægt er að sjá Joni syngja lagið Both Sides Now hér fyrir neðan en lesendur eru varaði við, tár gætu fallið: