Fimmtudagur 28. mars, 2024
1.8 C
Reykjavik

Kóngurinn og drottningin af Staten Island: „Hann er sannarlega yndisleg mannvera“

VefTv

- Auglýsing -

Hlaðvörp

- Auglýsing -

Raunveruleikastjarnan og frumkvöðullinn Kim Kardashian mætti á dögunum í þáttinn Live With Kelly and Ryan, þar sem hún talaði um góð kynni sín af heimabæ kærasta síns, Pete Davidson. Pete ólst upp á Staten Island í New York-fylki.

Þau Kim og Pete byrjuðu að stinga saman nefjum síðasta haust og hefur sambandið þróast og orðið alvarlegra eftir því sem liðið hefur á. Kim er 41 árs og Pete 28 ára.

Parið hefur aldeilis þurft að takast á við hindranir á þeim stutta tíma sem þau hafa verið saman. Kanye West, rapparinn heimsfrægi og fyrrverandi eiginmaður Kim, hefur áreitt parið, lagt Pete í einelti á samfélagsmiðlum og haft uppi ýmis gífuryrði um þau, bæði á samfélagsmiðlum sínum og í fjölmiðlum. Málið færðist úr gulu pressunni yfir á stærri fréttamiðla eftir því sem leið á og þótti málið lýsandi dæmi um fyrrum maka sem áreita og beita andlegu ofbeldi þegar hinn aðilinn slítur sambandinu. Svo fór að Instagram setti hann í sólarhringsbann fyrir áreitni, hatursorðræðu og einelti.

Þrátt fyrir mótlætið virðist sambandið aðeins hafa orðið sterkara.

„Staten Island er frábær staður,“ sagði Kim í viðtali við þau Kelly Ripa og Ryan Seacrest. „Við skemmtum okkur konunglega í ferð okkar þangað. Mig langaði til að skoða bæinn.“

Aðspurð hvernig parið ferðist til og frá bænum án þess að lenda í öngþveiti fjölmiðla og svokallaðra „papparassa“, sagði Kim þau einfaldlega ferðast um eins og hver annar heimamaður.

- Auglýsing -

„Við tökum ferjurnar hvert sem við förum. Þetta hefur alltaf verið mjög óeftirtektarvert. Það er skemmtilegi parturinn. Við getum bara slakað á og verið lítið áberandi, ferðast um, skoðað allt það skemmtilega í bænum og laumast inn og út af stöðum. Það kom á óvart hversu laumuleg við höfum getað verið á Staten Island,“ sagði Kim.

Pete skrifaði handritið fyrir kvikmyndina The King of Staten Island, ásamt þeim Judd Apatow og Dave Sirus. Hann lék einnig aðalhlutverkið í myndinni, sem er lauslega byggð á hans eigin uppvexti á Staten Island. Tenging hans við staðinn er því augljóslega afar sterk. Það má því ef til vill segja að kóngur Staten Island hafi fundið drottningu sem geti stjórnað ríkidæminu með honum.

Dálítið krúttleg saman á frumsýningu The Kardashians á dögunum.

Síðan parið byrjaði fyrst að hittast, í nóvember síðastliðnum, hefur Kim einungis haft góða hluti um Pete að segja. Hún tjáði sig ekki opinberlega um sambandið í upphafi, en síðustu misseri hefur hún komið fram í viðtölum þar sem hún talar á einlægan og fallegan hátt um kærastann og sambandið þeirra á milli. Í viðtalinu við þau Kelly og Ryan var ekkert lát þar á. Hún sagði Pete einstaklega einlæga manneskju.

- Auglýsing -

„Ég vissi alls ekkert svo mikið um hann áður,“ sagði Kim. „Ég sá hann nokkrum sinnum á viðburðum og svoleiðis. Spjallaði við hann. Og hann virtist alltaf rosalega almennilegur. En ég bara vissi ekki margt um hann. Nú þegar ég hef kynnst honum veit ég að hann er sannarlega, svo innilega, yndisleg mannvera.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -