Kristín Pétursdóttir, leikkonan og áhrifavaldur er byrjuð með Hauki Má Haukssyni, yfirkokki og eins eigenda Yuzu-hamborgarastaðarins.
Kristín og Haukur Már hafa verið að hittast í talsverðan tíma en haldið sambandi sínu fjarri samfélagsmiðlum. Breyting varð á því í gær þegar þau birtu myndir af sér í faðmlögum og fáguðum atlotum. Þau eiga bæði börn frá fyrri samböndum.
Haukur Már á langan feril að baki í veitingageiranum. Hann var yfirkokkur á Grillmarkaðinum og starfaði á Zuma, einum flottasta veitingastað heims í London. Ástríða hans liggur í asískri matargerð og gætir þeirra áhrifa bæði í nafni og áherslum Yuzu-staðanna.
Yuzu heitir til dæmis eftir samnefndum gulum ávexti, sem lítur út eins og krumpuð sítróna og er fyrirferðarmikill í japanskri matargerð og er hann finna í mörgum réttum á matseðli staðarins, sósum og fleira.
Haukur Már og viðskiptfélagar hans Sindri Snær Jensson og Jón Davíð Davíðsson, eigendur fataverslunarinnar Húrra, opnuðu fyrsta Yuzu-staðinn í lok árs 2019 á Hverfisgötu en síðan hefur bæst við annar staður í BORG29-mathöllinni.
Hægt er að lesa fréttina í heild sinni á DV
Smelltu hér til að lesa brakandi feskt helgarblaðið eða flettu því hér fyrir neðan: