Þau Nökkvi Fjalar Orrason og Embla Wigum eru nýtt par. Þetta herma heimildir DV. Bæði hafa þau vakið mikla athygli fyrir hugðarefni sín og störf.
Nökkvi Fjalar er þekktur athafnamaður og frumkvöðull hér á landi. Hann er einn stofnenda Swipe Media sem lýsir sér sem „Social Media Power House“.
Embla Wigum er ein stærsta samfélagsmiðlastjarna Íslands. Hún er förðunarfræðingur og listamaður með um 1,6 milljónir fylgjenda á TikTok og tæplega hundrað þúsund fylgjendur á Instagram. Flestir sem eyða einhverjum tíma á TikTok hafa orðið varir við myndbönd hennar, þar sem hún umbreytir andliti sínu í hin ýmsu listaverk. Til að mynda vakti serían þar sem hún málaði sig sem hvert og eitt stjörnumerki dýrahringsins mikla athygli.
Embla er á skrá hjá fyrirtæki Nökkva, Swipe Media. Bæði fluttu þau til London fyrir um hálfu ári síðan til þess að komast á stærri markað á sviði samfélagsmiðla. Samband þeirra var upphaflega viðskiptalegs eðlis en svo virðist sem ástin hafi tekið öll völd.
View this post on Instagram
Á Instagram-síðu Nökkva má sjá myndir sem hann deildi nýverið. Þar gefur að líta svipmyndir frá síðasta hálfa árinu í London og er Embla með honum á mörgum þeirra. Undir nýjustu færsluna skrifar hann meðal annars að síðasta hálfa árið hafi verið magnað. „Draumurinn er ekki áfangastaður heldur gjafir í þínu daglega lífi. Eltu draumana þína,“ skrifar Nökkvi.
Hér fyrir neðan má sjá dæmi um þau listaverk sem Embla býr til á eigið andlit:
View this post on Instagram