Johnny Depp og Amber Heard hafa síðustu daga tekist á í réttarsal í Bandaríkjunum en eru réttarhöldin opin. Þá hafa fleiri Hollywood leikarar dregist inn í réttarhöldin, sem hafa þegar fengið mikla umfjöllun í fjölmiðlum. Réttarhöldin snúast um lögsókn Johnny Depp gegn Heard vegna ásakana hennar um ofbeldi sem hún segir hann hafa beitt sig. Hefur hann þrætt fyrir ásakanirnar og sakar hann Heard um að hafa beitt sig ofbeldi.
Nýjustu gögn sem fram komu hafa vakið óhug hjá fólki en um er að ræða sms skilaboð milli Depp og leikarans Paul Bettany. Lögmaður Heard las upp skilaboðin fyrir dómi og staðfesti Depp að hafa skrifað þau.
„Brennum Amber!!!’’ skrifar Depp og bætir við – „Drekkjum henni áður en við brennum hana.’’
Lögmaður Heard baðst skömmu áður afsökunar á orðunum sem hann myndi koma til með að nota þann daginn en þurfti hann að hafa beint upp eftir Depp
„Svo segirðu: Ég ætla að ríða brenndu líkinu á eftir til að ganga úr skugga um að hún sé dauð,’’ sagði Lögmaðurinn að lokum, en skilaboðin ógeðfelldu hafa vakið gríðarlega athygli um allan heim.