Þriðjudagur 19. mars, 2024
0.8 C
Reykjavik

Ósk opnar einkasýningu: „Sem bjargi væri létt af brjósti hennar?“

VefTv

- Auglýsing -

Hlaðvörp

- Auglýsing -

Myndlistarkonan Ósk Gunnlaugsdóttir mun opna einkasýningu á málverkum sínum í SÍM Gallerý í Hafnarstræti 16, næstkomandi fimmtudag, þann 7.apríl. Sýningin ber titilinn „Sem bjargi væri létt af brjósti hennar?“.

„Verkin á sýningunni takast á við þrívídd viðfangsefnis sem gæti verið tekið úr náttúrunni,“ segir í lýsingu á sýningunni. „Form skapað úr flötum, hornum og bogum sem eiga sér sinn stað í marglaga tilvistum huga og samfélags. Bjarg, klettur, steinvala og sandkorn í senn. Bjarg, farg, þungi og samfélagsleg pressa á að passa í form, fara ekki út fyrir línur skapaðar af mönnum.

Viðfangsefni verkanna byggir á hugmyndum heimspeki og fagurfræði kenningar um hlutmiðaða verufræði (e. Object Oriented Ontology) sem gengur út á að allt sé hlutur og að ekki sé gerður mikill greinarmunur hugveru og hlutveru. Að munurinn á sköpuðum steini listamannsins, þeim sem ollu örlögum kvenna sem voru grýttar til dauða eða þeirra sem sagðir voru börn í maga Rauðsokka sé ekki sá að einhverjir séu skapaðir úr efni og aðrir ímyndaðir heldur að form þeirra sé mismunandi.“

Sýning Óskar verður opin á opnunartíma skrifstofu SÍM á virkum dögum og um helgar frá 13:00 til 17:00. Sýningin stendur til 28. apríl.

Ósk Gunnlaugsdóttir (1979) lauk BA gráðu í myndlist frá Listaháskóla Íslands árið 2019 og varði einni önn í silkiprenti við Académie Royale des Beaux-Arts í Brussel.

- Auglýsing -

„Ósk vinnur við ýmsa miðla en sækist jafnan í jarðtenginguna sem fæst í hinu hefðbundna málverki. Hún sækir innblástur í náttúruna og eru hugleikin áhrif manna og atburða af þeirra völdum á ásjón og upplifun fólks af landslaginu hvort sem er úti í náttúrunni eða í listaverkinu þar sem það er statt.“

Opnun sýningarinnar verður eins og fyrr segir næstkomandi fimmtudag, 7. apríl, klukkan 17:00 – 20:00.

Verk eftir Ósk. Mynd úr einkasafni.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -