Össur eignaðist nýjan vin í Kína: „Hann reif hins vegar kjaft þegar hann skildi mig illa“

Össur Skarphéðinsson er búinn að eignast nýjan vin. Hann er þó ekki mennskur, heldur kínverskt vélmenni.

Hinn gamli Krataforingi, Össur Skarphéðinsson er staddur í Kína en í dag birti hann ljósmynd af sér með nýjasta vini sínum. Vinurinn er heldur furðulegur enda um að ræða kínverskt vélmenni.

„Nýjasti vinur minn í Kína. – Kínversku róbótarnir ryðja sér hratt til rúms, á veitingastöðum og hótelum. Þessi fylgdi mér á herbergi, færði mér kaffi og bauð góðan daginn. Hann varð hins vegar óþolinmóður og reif kjaft þegar hann skildi mig illa,“ skrifaði Össur og uppskar hláturkarla frá lesendum sínum.