Hin goðsagnakennda rokkband Queen gerði sér lítið fyrir og gaf út áður óútgefið lag á dögunum og það sem ótrúlegt er, Freddie Mercury syngur lagið.
Heilum 34 árum eftir að lagið var tekið upp, gaf Queen aðdáendum sínum ansi sérstaka gjöf á dögunum. Lagið, sem heitir Face It All Alone er samið og sungið af Freddie Mercury en lagið var tekið upp árið 1988 ásamt 30 öðrum lögum sem sum rötuðu á plötuna The Miracle á meðan önnur náðu ekki þangað og í raun gleymdust. Þegar Freddie samdi lögin var hann nýbúinn að fá þær hræðilegu fréttir að hann væri smitaður af alnæmi og má heyra það til dæmis í texta hins „nýja“ lags.
„Við gleymdum eiginlega þessu lagi,“ viðurkenndi Roger Taylor, trommari hljómsveitarinnar, „En þarna var það, þessi litli gimsteinn. Þetta er yndislegt, alvöru uppgötvun. Þetta er mjög ástríðufullt lag.“
Í gær var svo mynband gefið út við lagið sem má sjá hér fyrir neðan: