Fimmtudagur 18. ágúst, 2022
7.8 C
Reykjavik

Ricky Martin sakaður um heimilisofbeldi og sifjaspell – Segir hugmyndina ógeðslega

Helgarviðtalið

- Auglýsing -

Orðrómur

- Auglýsing -

Söngvarinn Ricky Martin hefur verið kærður fyrir heimilisofbeldi af ungum frænda sínum í Púertó Ríkó. Frændinn segist hafa átt í ástarsambandi við Martin um sjö mánaða skeið. Söngvarinn hefur þvertekið fyrir að ásakanirnar séu sannar.

Málið verður tekið fyrir 21. júlí í Púertó Ríkó. Ef Martin verður ákærður fyrir heimilisofbeldi gegn skyldmenni gæti hann átt nærri 50 ára fangelsisdóm yfir höfði sér, verði hann fundinn sekur.

Lögmaður Martin, Marty Singer, hefur lýst því yfir að ásakanirnar séu með öllu ósannar. Hann segir Martin aldrei hafa átt í sambandi af þessu tagi með frænda sínum.

„Því miður glímir einstaklingurinn sem kom fram með þessar ásakanir við alvarlegan geðrænan vanda,“ sagði Singer í samtali við miðilinn Deadline.

„Ricky Martin hefur að sjálfsögðu aldrei verið, og myndi aldrei vera, í neinskonar kynferðislegu eða rómantísku sambandi með frænda sínum. Hugmyndin er ekki aðeins ósönn, heldur er hún ógeðsleg.“

Singer sagði alla vonast til þess að ungi maðurinn fengi þá hjálp sem hann þyrfti. „En mest af öllu hlökkum við til þess að þessu hræðilega máli verði vísað frá, um leið og dómarinn hefur fengið að sjá allar staðreyndir.“

- Auglýsing -

Frændinn sem um ræðir er 21 árs og fékk nýlega nálgunarbann á Martin, sem að hans sögn var eftir að sambandi þeirra lauk.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -