Sigríður Andersen vildi verða EvrópumeistarI: „Seinni tvær lyfturnar voru því miður dæmdar ógildar“

Sigríður Andersen, þing­maður Mið­flokks­ins og fyrr­ver­andi dóms­mála­ráð­herra, keppti í gær á Evr­ópu­móti öld­unga í kraft­lyft­ingum í Frakk­landi í fram­haldi þess að hún varð Íslands­meist­ari í lyft­ingum öld­unga. Sigríði er margt til lista lagt. Hún er alþing­is­maður Mið­flokks­ins eftir að hafa snúið baki við Sjálf­stæð­is­flokknum sem gerði hana á sínum tíma að dóms­mála­ráð­herra. Í seinni tíð hefur hún lagt stund á lyft­ingar með frá­bærum árangri. En FRakk­lands­ferðin gekk þó ekki að óskum. Vísir hefur eftir Kraft­fé­lag­inu að áform hennar um árangur á Evr­ópu­vísu hafi mis­heppn­ast,
„Hlut­irnir gengu ekki alveg upp hjá Sigríði en Kraft­fé­lagið segir að þetta hafi verið stöngin út dagur hjá henni. Þrjár af lyftum hennar voru dæmdar ógildar og þá ætl­aði hún sér aðeins of mikið í rétt­stöðu­lyft­unni,“ er haft eftir Kraft­fé­lag­inu.

Í  hné­beygju tók hún Sigríður tvær gildar lyftur, 102,5 kíló og svo 107,5 kíló í þriðju umferð eftir að önnur lyftan var dæmd ógild. 107,5 kílóa lyftan var nýtt per­sónu­legt met.

Keppnin skil­aði henni nýju per­sónu­legu meti í hné­beygju, bekk­pressu og í sam­an­lögðu.

„Þrátt fyrir góðar fram­farir þá var þetta því miður stöngin út dagur. En hún tekur með sér mikla reynslu af sínu fyrsta alþjóð­lega móti og er ekki lík­leg til ann­ars en að sækja þessi kíló sem vant­aði upp á strax á næsta móti,“ segir í yfir­lýs­ingu Kraft­fé­lags­ins.