Simmi Vill er genginn út – Sú heppna er dönsk

Sigmar Vilhjálmsson, eða Simmi Vill eins og hann er gjarnan kallaður, er kominn með kærustu.

Hugi Hall­dórs­son meðstjórnandi hans Simma í hlaðvarpsþættinum 70 mínútur, greindi upphaflega frá þessum gleðifréttum fyrir nokkrum dögum. Simmi sem er veitingahúsaeigandi og hlaðvarpsstjórnandi vildi ekkert gefa upp um kærustuna er Hugi spurði hann meira út í hana í þættinum.

Samkvæmt áreiðanlegum heimildum Mannlífs er sú heppna hin danska Julie Christensen en hún er nú stödd á Íslandi en Simmi birti myndband og ljósmynd af þeim skötuhjúum við Geysi.

Mannlíf óskar hjúunum til hamingju með sambandið!