Tryggvi og Tryggvína eiga von á sér – Nýjir fjölskyldumeðlimir væntanlegir í maí

Tjaldaparið vinsæla, Tryggvi og Tryggvína er komin með egg.

Þau Tryggvi og Tryggvína voru ekki að tvínóna við hlutina en þau mættu í óðal sitt í Ármúlanum fyrir stuttu. Og eru strax komin með egg.

Eins og sjá má á meðfylgjandi mynd liggur Tryggvína á eggjum sínum en Mannlíf veit ekki hversu mörg þau eru. Í fyrra eignuðust þau þrjá unga en tveir þeirra lifðu af sumarið. Venjulega verpa tjaldar einu til fjórum eggjum en þrjú egg eru algengust. Skiptast bæði kynin á að liggja á þeim. Útungunartíminn eru 21 til 27 dagar svo það má búast við glænýjum ungum hjá þeim hjónum í byrjun maí.