Mannlíf hefur fjallað um ævintýri áhrifavaldsins Völu Grand síðustu daga en er hún nú stödd á Tenerife þar sem hún nýtur sín í sólinni. Vala hefur verið dugleg að deila ferðinni með fylgendum og dvelur á glæsilegu hóteli, þar kynntist hún manni. Sagði hún frá því á Instagram síðu sinni að hún hafi kynnst fullkomnum manni en tímasetningin hefði ekki verð rétt. Hún nyti þess að vera ein og vildi elska sjálfa sig. Vala er ófeimin við að kynnast nýju fólki og nýtur þess að vera í núinu að eign sögn.
„Ég þarf víst að fara að koma mér héðan, gamli ætlar að fara að bjóða í kvöldmat. Bað mig um að vera flott og ég skal vera flott,“ sagði Vala í gær og hló en kynntist hún manni á strandbar í gær en sá vinnur við fjárfestingar. „Ég er bara hérna að njóta og kynnast fólki. Ég er búin að segja við hann að ég er ekki að leita að neinu romance hér. Ég er bara hérna í fríi, ég er að njóta góðan mat, ég er að njóta sólarinnar, ég er að njóta þess að kynnast fullt af nýju fólki. Ég er bara í núinu.“
Vala var hin glæsilegasta þegar hún fór út að borða síðar um kvöldið og klæddist rauðum kjól. Sagði hún skilið við manninn sem fór snemma heim eftir stefnumótið. „Kannski er þetta aldurinn, ég veit það ekki,“ sagði Vala og hló. Það verður spennandi að fylgjast með Tenerife ævintýri Völu á næstu dögum en segist hún eiga eftir að dvelja á eyjunni fögru í viku til viðbótar.