Það er alveg óhætt að segja að Íslendingar eigi fjölmargt hæfileikafólk á sviði tísku og hönnunar. Þetta er aðeins lítið brot af þeim sem hafa verið að gera það gott erlendis.
Fatahönnuðurinn Sólveig Káradóttir hefur starfað sem listrænn stjórnandi hjá Galvan London. Sólveig stofnaði Galvan ásamt þremur vinkonum árið 2014 og hefur merkið verið á hraðri uppleið síðan þá. Kate Moss, Gwyneth Paltrow, Rihanna og Jennifer Lawrence eru dæmi um stjörnur sem eru aðdáendur Galvan London.
Hérna er leikkonan Saoirse Ronan í kjól frá Galvan.
Förðunarfræðingurinn Heba Þórisdóttir hefur verið að gera það gott í Hollywood undanfarin ár.
Ásamt því að farða fyrir stórar kvikmyndir hefur hún einnig farðað stjörnur á borð við Kristen Wiig, Scarlett Johansson og Cate Blanchett fyrir rauða dregilinn og séð um förðunina í stórum tískuþáttum.
Stílistinn Þóra Valdimarsdóttir er áberandi innan tískubransans um þessar mundir en hún starfar sem listrænn stjórnandi fyrir Rotate Birger Christensen.
Þóra þykir afar smart í klæðnaði en tæplega 90 þúsund manns fylgja henni á Instagram. Þóra starfaði áður sem aðstoðartískuritstjóri danska tímaritsins Costume.
Stílistinn Edda Guðmundsdóttir hefur unnið sem stílisti í Bandaríkjunum í áraraðir.
Hún hefur unnið með mörgum stórstjörnum í gegnum tíðina. Sem dæmi má nefna Alicia Keys, Christina Aguilera, Taylor Swift, Lady Gaga og Bebe Rexha
Þá hefur Edda einnig stíliserað Björk mikið, meðal annars á tónleikaferðalögum.
Katrín Alda Rafnsdóttir, hönnuðurinn á bak við skómerkið KALDA, hefur náð afar góðum árangri á skömmum tíma. Sem dæmi um góðan árangur þá fást KALDA-skórnir til dæmis núna í Selfridges, Browns, Liberty og Harvey Nichols en þetta eru nokkrar af stærstu hönnunarverslunum Bretlands.
https://www.instagram.com/p/B6yKObuAwdl/
