2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Bókin um frú Vigdísi: Tré gróðursett fyrir hvert selt eintak

Vigdís Bókin um fyrsta konuforsetann eftir Rán Flygenring teiknara er komin út.

 

Fjallar bókin eins og nafnið gefur til kynna um frú Vigdísi Finnbogadóttur sem kjörin var forseti Íslands árið 1980, og gegndi hún því embætti í fjögur kjörtímatil til ársins 1996. Frú Vigdís var fyrsta konan í heiminum sem kosin var í lýðræðislegum kosningum til að gegna embætti þjóðhöfðingja.

Bókarkápan.

Rán lýsir sjálf tilurð bókarinnar svona: „Upprennandi rithöfundur bankar upp á hjá frú Vigdísi Finnbogadóttur og býður sér í kaffi því hún ætlar að skrifa bók um fyrstu konuna í heiminum sem kosin var forseti. Í heimsókninni verður stúlkan margs vísari um frumkvöðulinn Vigdísi og forsetahlutverkið. Hún rekst líka á alvöru sverð frá Finnlandi, lærir hrafl í frönsku og kemst að því að einu sinni bjuggu kindur í Reykjavík. Bók um merkilega konu sem dreymdi um að verða skipstjóri en endaði sem forseti.“

AUGLÝSING


Rán Flygenring
Mynd / Sebastian Ziegler

Fyrir hvert selt eintak af bókinni verður gróðursett tré í samstarfi við Yrkjusjóð Vigdísar og Skógræktarfélag Íslands.

Rán Flygenring er einn fremsti teiknari landsins. Hún hefur myndlýst fjölmargar bækur og er meðal annars myndhöfundur bókanna um Ótrúleg ævintýri Brjálínu Hansen, Fugla og Sögunnar um Skarphéðin Dungal sem setti fram nýjar kenningar um eðli alheimsins sem Angústúra gaf út.

Opna úr bókinni.

Í bókinni um Frú Vigdísi sem Angústúra gefur einnig út lýsir hún Vigdísi Finnbogadóttur fyrir nýjum kynslóðum í máli og myndum.

 

Ekki missa af þessum

Annað áhugavert efni

Nýjast á Mannlíf.is