Fimmtudagur 28. mars, 2024
-2.2 C
Reykjavik

Jólauppboð Foldar: Dregur til tíðinda

VefTv

- Auglýsing -

Hlaðvörp

- Auglýsing -

Fold uppboðshús stendur fyrir tvöföldu listmunauppboði mánudaginn og þriðjudaginn 2. og 3. desember. Uppboðin hefjast kl. 18 báða dagana en um 200 verk verða boðin upp í það heila. Sýning á verkunum stendur yfir í húsnæði Gallerísins við Rauðarárstíg.

 

Samkvæmt tilkynningu frá Fold ber til tíðinda að þessu sinni þar sem stórt olíumálverk eftir Georg Guðna frá 2001 verður boðið upp en afar sjaldgæft er að verk eftir þennan eftirsótta listamann séu boðin til sölu. Þá verður boðið upp verk eftir annan eftirsóttan myndlistarmann sem kemur nær aldrei í sölu en það er strangflatar abstrakt mynd eftir Eyborgu Guðmundsdóttur en yfirlitssýning á verkum hennar var sett upp á Kjarvalsstöðum fyrr á þessu ári og vakti mikla athygli.

Mikill fjöldi annarra abstraktverka er boðinn upp og þar á meðal tvö glæsileg verk eftir Braga Ásgeirsson, annað frá 1957 en hitt frá 2007, ásamt verkum eftir Karl Kvaran, Óla G. Jóhannsson, Jón Engilberts og Svavar Guðnason svo eitthvað sé nefnt.

Frumherjar íslenskrar myndlistar eiga sinn sess á uppboðinu en boðin verða upp fín verk eftir þá. Má þar nefna vatnslitamynd frá Suðursveit eftir Ásgrím Jónsson frá 1907, glæsilega mynd af fólki í lautarferð eftir Þorvald Skúlason, mynd frá Akureyri eftir Kristínu Jónsdóttur auk verka eftir Jóhann Briem og Gunnlaug Blöndal. Þá verða boðin upp sex verk eftir Jóhannes Kjarval.

- Auglýsing -

Boðin verða upp nokkur verk eftir Karólínu Lárusdóttur, Hring Jóhannesson, Barböru Árnadóttur og stórt olíumálverk eftir Jónas Viðar en einnig Hafsteinn Austmann en sex verk verða boðin upp eftir hann, þar á meðal einkar stór og glæsileg abstraktmynd.

Einnig verða boðin upp verk eftir starfandi listamenn og má þar nefna Þorra Hringsson, Huldu Vilhjálmsdóttur, Harald Bilson, Pétur Gaut, Soffíu Sæmundsdóttur og Jakob Veigar.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -