2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Koma ánægjulega á óvart

Brynhildur Björnsdóttir, blaðamaður, kabarettsöngkona og gagnrýnandi, mælir hér með hámglápsefni sem hentar vel um hrekkjavöku, án þess þó að vera of hræðilegt.

 

Lucifer

„Frá því ég datt í Ísfólkið sem unglingur hefur persóna Lucifers verið á uppáhaldslista yfir áhugaverð og misskilin illmenni goðsagnaheimsins. Þættirnir fjalla um það þegar Lucifer er orðinn leiður á Víti, fer í frí til Los Angeles og kann svo vel við sig þar að hann stofnar næturklúbb og sekkur sér ofan í lífsins lystisemdir. Fljótlega hætta þær að vera honum nóg og þegar hann kynnist rannsóknarlögreglukonunni Chloé Decker einhendir hann sér í morðrannsóknir. Ýmsar misþekktar persónur í Biblíunni koma við sögu í þáttunum sem fjalla um eðli trúarbragða, illsku og mennsku á mjög skemmtilegan og hressandi hátt. Þættir sem komu mér mjög ánægjulega á óvart og ég bíð spennt eftir fimmtu seríu.“

AUGLÝSING


The Chilling Adventures of Sabrina

„Þær gleðifregnir voru að berast mér að von er á fleiri þáttaröðum um unglingsnornina Sabrinu, frænkur hennar og vini. Þættirnir eru byggðir á myndasögum frá sjöunda áratugnum sem síðar urðu að teiknimynda- og svo sjónvarpsþáttaröðum fyrir börn. Þessir þættir eru þó sannarlega ekki fyrir mjög ung börn þar sem þeir eru bæði blóðugir og óhugnanlegir. En mjög skemmtilegir og grípandi, einkum þegar Sabrína er milli steins hins venjulega samfélags sem hún býr í og sleggju nornasamfélagsins sem hún tilheyrir líka. Kvikmyndataka og útlit þáttanna er líka mjög vel gerð og grípandi blanda af nútíma og nærþátíð. Og svo bara unglingaástir og drama eins og það gerist safaríkast.“

„…þeir eru bæði blóðugir og óhugnanlegir.“

Dark

„Það er gaman að horfa stundum á efni sem hvorki er framleitt í né gerist í Bandaríkjunum. Þýsku sjónvarpsþættirnir Dark eru bæði glæpaþættir og vísindaskáldskapur og vel skrifaðir, vel leiknir og vel hámverðugir.“

Ekki missa af þessum

Annað áhugavert efni

Nýjast á Mannlíf.is