2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Mamma Hildar seldi bílinn til að kaupa fyrsta sellóið handa henni: „Mamma, þetta er fyrir þig“

Tónskáldið Hildur Guðnadóttir hélt hjartnæma ræðu og þakkaði mömmu sinni þegar hún tók við verðlaunum á World Soundtrack Awards um helgina.

 

Sellóleikarinn og tónskáldið Hildur Guðnadóttir var um helgina útnefnd sjónvarpstónskáld ársins á Heimshljóðrásar-verðlaunahátíðinni, World Soundtrack Awards, fyrir tónlist sína í sjónvarpsþáttunum Chernobyl.

Í einlægri ræðu þakkaði hún meðal annars mömmu sinni, Ingveldi Guðrúnu Ólafsdóttur.

Í ræðunni ljóstraði Hildur því upp að mamma hennar hefði kennt henni að tónlist væri dýrmætari en allar veraldlegar eigur. Hildur sagði þá frá því að Ingveldur hafi selt bílinn sinn á sínum tíma til að kaupa fyrsta sellóið handa dóttur sinni.

AUGLÝSING


„Jafnvel þó það þýddi að hún þurfti að taka strætó á milli þeirra þriggja vinnustaða sem hún vann á. Mamma, þetta er fyrir þig,“ sagði Hildur.

Ræðuna má sjá í heild sinni á Facebook-síðu World Soundtrack Awards.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum