„Það er auðvitað dýrt að tæta auðvaldið í sundur,“ segir Matthías Tryggvo Haraldsson, meðlimur Hatara, við Guardian.
Breska blaðið fjallar um þátttöku Íslands í Eurovision og pólitískan boðskap Hatara. Þá bendir blaðið á að þrátt fyrir andstöðu gegn auðvaldið sé fyrirtækið rekið sem hlutafélag í hagnaðarskini. Þá selji þeir ýmsan varning þar á meðal boli og SodaDream vatn.
Guardian segir framkoma Hatara innblásna af fasísku minni. Meðlimir bandsins séu hins vegar afar jákvæðir og glaðir. Atiðið sé gagnrýni á ris þjóðernispopulisma. Þeir hafi gagnrýndi að keppnin sé haldin í Ísrael. Ímynd keppninnar sé byggð á hvítþvætti og áróðri. Þó hafi þeir ákveðið að taka þátt og í samtali við blaðamann hafi þeir lýst aðdáun á keppninni og boðskap ástar, samkenndar og fjölbreytileika.
Miðilinn segir Hatara umdeildasta atriði keppninnar. Þeir séu pólitískir í keppni sem leggi mikla áherslu á að vera ópólitísk. Svo langt hafi verið gengið af hálfu skipuleggjenda Eurovision í að útvista stjórnmálum að reglur keppninnar ritskoði framlög keppenda.
Hatari stíga á svið í Tel Aviv í kvöld. Þeir eru númer þrettán á svið, eftir Ástralíu og á undan Eistlandi.