Áhyggjur vegna Dags

Einn öflugasti stjórnmálamaður samtímans, Dagur B. Eggertsson  borgarstjóri er sagður hugsa sér til hreyfings. Dagur hefur stjórnað Reykjavíkurborg hartnær tvö kjörtímabil og farið sínu fram undir tryllingi Vigdísar Hauksdóttur, borgarfulltrúa Miðflokksins. Dagur hefur ævinlega fylgt eftir sínum málum af festu þrátt fyrir andfúlan mótbyr frá Mogganum og endurteknar auglýsingaherferðir stórkaupmannsins Bolla Kristinssonar, sem gerir út á það að hann hafi rústað Borginni með skipulagsleysi. Dagur hefur mátt þola það að skotið var í bifreið hans fyrir framan heimili borgarstjórans. Þess utan glímir hann við veikindi. Innan úr herbúðum hans heyrist að hann hugsi sér til hreyfings. Það vekur andstæðingum hans gleði en samherjar eru áhyggjufullir þar sem enginn leiðtogi er þá í sjónmáli til að fylla skarðið. Aðrir borgarfulltrúar Samfylkingar þykja ekki til stórræðanna. Fátt þrífst í skjóli stóru eikarinnar …