Fimmtudagur 22. september, 2022
9.1 C
Reykjavik

Alvarleg mistök Katrínar

Helgarviðtalið

- Auglýsing -

Orðrómur

- Auglýsing -

Vaxandi áhyggjur eru innan Vinstrí Grænna vegna fylgishruns sem birtist í seinustu kosningum og seinna í skoðanakönnunum. VG, undir forystu Katrínar Jakobsdóttur, tapaði næstum því þriðja hverjum kjósanda og hlaut afhroð í kosningunum á meðan Sjálfstæðisflokkurinn hélt sínu og Framsókn vann stórsigur. Það varð til þess að flokkurinn missti stöðu sína í ríkisstjórn og voru flestar skrautfjaðrirnar hirtar af þeim. Katrín, einn frambærilegasti stjórnmálamaður á síðari tímum, var lögð af stað niður brekkuna.

VG missti forseta Alþingis, heilbrigðisráðuneytið og umhverfisráðuneytið. Þess í stað fékk flokkurinn sjávarútvegsráðuneytið gegn skilyrðum um kyrrstöðu og forsætisráðuneytið sem aðeins felur í sér fundarstjórn. Nýjustu kannanir leiða í ljós að VG er komið niður undir sjö prósenta fylgi og á hraðri leið inn himnaríki stjórnmálannna að óbreyttu. Mistök Katrínar blasa við.

Önnur og ekki síður alvarleg ógn blasir við Katrínu. Kristrún Frostadóttir er að taka við Samfylkingunni. Hún er talsvert yngri en Katrín, kjaftfor, ákveðin og mun vinstrisinnaðri í skoðunum. Víst er að hún mun velgja Katrínu og öðrum stjórnarliðum undir uggum í vetur.

Flestir eru á því að Katrín hefði átt að fara í stjórnarandstöðu, líkt og Líf Magneudóttir gerði í Reykjavík, og safna vopnum sínum í stað þess að láta reita af sér fjaðrirnar. Þá væri staða hennar allt önnur. En hún tók slaginn og skip hennar er sökkvandi á meðan fiðlusveit Sjálfstæðisflokksins fer hamförum …

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -