- Auglýsing -
Benedikt Jóhannesson, stofnandi Viðreisnar, er landlaus maður eftir að Þorgerður Katrín Gunnarsdóttir, formaður flokksins og arftaki hans, ýtti honum í mestu vinsemd úr áhrifastöðum í flokknum. Nú er hermt að Benedikt sé að svipast um eftir áhrifum í öðrum flokki. Það nærtækasta yrði að taka sæti í Lýðræðisflokki Guðmundar Franklíns Jónssonar sem er með ýmis opin sæti í flestum kjördæmum. Benedikt er mágur Guðmundar og þeir nátengdir. Vandinn er hins vegar sá að þeir eru algjörlega á öndverðum meiði í Evrópumálum og þar skilur á milli þeirra Bensa og Gúnda …