Bjarni Benediktsson fjármálaráðherra virðist vanmeta mjög reiðina vegna sölunnar á Íslandsbanka sem hann telur vera löglega. Yfir þúsund manns mættu á Austurvöll til að mótmæla því sem margir kalla bankarán. Það sem hreyfir mest við fólki er að sömu gömlu nöfnin og í hruninu koma enn við sögu. Efstur á þeim lista er faðir Bjarna, Benedikt Sveinsson. Þekkt er að samvinna feðganna í viðskiptum hefur verið náin en Bjarni sver af sér að hafa vitað af bralli föður síns.
Ræðumenn á Austurvelli í gær voru ómyrkir í máli. „Það er verið að ræna þjóðareign. Það er sama hvort þetta sé kvótinn eða bankarnir,“ sagði Erpur Eyvindarson rappari um framgöngu Bjarna og félaga. Vaxandi áhyggjur eru innan Vinstri-grænna með þá reiði sem grasserar í samfélaginu og þeirri ábyrgð sem þeir bera á fjármálaráðherranum …