Áhrifavaldar hafa sett mikinn svip á samkvæmislíf þjóðarinnar og verið áberandi í fjölmiðlum með glæsilíf sitt. Birgitta Líf Björnsdóttir, erfingi World Class, hefur verið á meðal hinna fremstu. Nokkrar úr Þessum hópi stofnuðu einskonar saumaklúbb sem ber heitið LXS og hefur þjóðin fengið að fylgjast með öllum munaðinum sem rekur á fjörur þeirra. Fréttablaðið tók saman uppgefin laun þeirra og ítarlega fréttaskýringu um dapurleg launakjör þeirra. Þá kom á daginn að sumar úr hópnum eru með laun undir fátæktarmörkum. Verst sett er Ína María Norðfjörð með tæplega 73 þúsund krónur á mánuði sem er langt neðan við fátæktarmörk. Ástrós Traustadóttir dansari er aðeins með 346 þúsund í mánaðarlaun. Sunneva Einarsdóttir er vinsælasti áhrifavaldurinn með 540 þúsnd á mánuði. Það kemur ekki á óvart að Birgitta Líf er launahæst. Hún vinnur hjá pabba sínum og rekur veitingastað auk þess að gera út á samfélagsmiðla. Hennar laun eru rúmlega 1.2 milljón á mánuði, sem duga sæmilega til framfærslu og forða henni frá fátækt …