Ásthildur Lóa Þórsdóttir, mennta- og barnamálaráðherra Íslands, hefur gefið það út að nemendur fái ekki að vera með farsíma og einkaspjaldtölvur í grunnskólum landsins þegar skólahald hefst í haust. Undanfarna mánuði hafa nokkrir skólar á landinu þegar prófað slíkt bann og eru nær allir á einu máli að það hafi verið jákvæð þróun.

Ragnar Þór Pétursson, kennari og fyrrverandi formaður Kennarasambands Íslands, lýsti því yfir að hann myndi ekki framfylgja þessu banni og breytir engu þó honum yrði hótað brottrekstri. Fáir, ef einhverjir, kennarar á Íslandi hafa verið jafn opnir fyrir því að notast við nýja tækni við kennslu og Ragnar Þór. Það breytir því þó ekki að hann er í miklum minnihluta þegar kemur að þessu máli.

Það verður forvitnilegt að sjá hvernig banninu verður fylgt eftir innan veggja skóla landsins en loksins virðist vera kominn menntamálaráðherra sem þorir að gera breytingar á gölluðu kerfi. Breytingar sem síðasta ríkisstjórn hefði átt að gera …