Bjarni Benediktsson fjármálaráðherra er kominn að fótum fram pólitískt séð. Allar kannanir sína fylgisfall flokksins og upprisu Samfylkingar sem mælist með allt að 25,6 prósenta fylgi á meðan Sjálfstæðisflokkurinn er með 18,7 prósent sem þýðir afhroð. Bjarni er sagður bugaður vegna þessa og hvorki með áhuga né getu til að snúa gæfuhjólinu sér í hag.
Djúpt úr myrkviðum baklands Bjarna heyrist að hann hafi þegar tekið ákvörðun um að gefa eftir formannsstólinn til Þórdísar Kolbrúnar Reykfjörð Gylfadóttur varaformanns sem muni taka við formannsembættinu og fjármálaráðherrastólnum í haust, ári fyrir landsfund. Bjarni mun þá sjálfur fara í utanríkisráðuneytið og þannig fylgja fordæmi forvera sinna þeirra Davíðs Oddssonar og Geirs Hallgrímssonar sem völdu sér þessa útgönguleið. Með því að víkja sjálfur einu ári fyrir landsfund telur Bjarni sig tryggja það að höfuðfjandi hans, Guðlaugur Þór Þórðarson umhverfisráðherra hreppi ekki það hnoss að verða formaður í kosningu á landsfundi. Fullyrt er að þessi flétta sé þegar sem meitluð í stein …