Dagur B. Eggertsson borgarstjóri virðist vera á góðu róli í kosningunum og svo er að sjá sem meirihluti hans haldi. Það hefur vakið athygli hve vinalaus Hildur Björnsdóttir, leiðtogi sjálfstæðismanna, hefur verið. Hildur þykir vera frambærileg í ýmsum skilningi og býr við allsnægtir, eins og sjá mátti í þætti Sindra Sindrasonar, Heimsókn, á Stöð 2 á sínum tíma.
Undir venjulegum kringumstæðum hefði Mogginn hamast gegn andstæðingum Sjálfstæðisflokksins alla kosningabaráttuna með Skrímsdeildina malandi undir. En nú kvað við þann nýja tón að Davíð Oddsson og pótintátar hans heldu að sér höndum og létu Hildi lengst af engjast um á blóðvelli skoðanakannana sem sýndu pólitíska örbirgð hennar. Nærtækasta skýringin er hatur Davíðs á Jóni Ásgeiri Jóhannessyni athafnmanna og náins samstarfsmanns eiginmanns Hildar, Jóns Skaftasonar. En sagan um fálkann og rjúpuna endurtók sig. Mogginn tók kipp í vikunni þegar hann tók drottningarviðtal við Hildi. Svo kom frétt um að Dagur hefði vogað sér að afþakka viðtal við Morgunblaðið. Borgarstjóri sýndi þeim fingurinn …