- Auglýsing -
Drífa Snædal, forseti Alþýðusambands Íslands, er með yfrlýsingaglaðari verkalýðsleiðtogum. Hún er hluti af því nýja fólki sem kom inn í hreyfinguna til að hrista upp í því sem stundum var kallað koníaksklúbburinn. Hún og Sólveig Anna Jónsdóttir, fyrrverandi formaður Eflingar, sneru gjarnan bökum saman og börðust gegn spillingu og stöðnun. En nú er vik milli vinkvenna. Sólveig Anna sakar Drífu og félaga um baktjaldamakk með skrifstofufólki Eflingar gegn framboði sínu. Í samtali á Rás 2 í gær vísaði hún til einhversskonar leynifundar sem stæði fyrir dyrum. Drífa varð kjaftstopp þegar Mannlíf hafði við hana samband og kannaðist ekkert við fund. Nú er aðeins spurning hvort þetta sé hugarburður Sólveigar Önnu eða svæsin aðför að henni …