Baráttukonan Edda Falak er um það bil að ná því markmiði sínu að safna fyrir lögfræðikostnaði og kostnaði eftir að hún tapaði máli fyrir undirrétti eftir að hafa birt í þætti sínum upptöku af móður að úthúða dóttur sinni. Til að bæta skaðann og gera sér kleift að áfrýja til Landsréttar, greip hin dæmda til þess að safna á Karolina Fund. Upphaflega bað hún um 1,5 milljón krónur en hækkaði síðan kröfuna í 2,5 milljón krónur. Í morgun höfðu safnast um 2,1 milljón og hún er nú um það bil að ná því markmiði sínu. Henni vantar þó herslumuninn áður en tíminn rennur út. Edda er á grænni grein hvað þennan hluta baráttu sinnar varðar. Óljóst er hvort og þá hvaða framhald verður á hlaðvarpi hennar, Eigin konur, eftir að samstarfi hennar og Heimildarinnar lauk eftir uppljóstrun um ósannsögli hennar varðandi störf í Danmörku. Þá er deilt um eignarhald hennar á fyrirbærinu sem hún stofnaði í samvinnu við fleiri …