- Auglýsing -
Andrés Magnússon, yfirmaður minningargreina Morgunblaðsins, er á meðal umdeildustu blaðamanna landsins. Í vikunni dylgjaði hann um mútuþægni þingmanna sem koma að afgreiðslu mála hælisleitenda. Hann fetaði þannig í fótspor Jóns Gunnarssonar dómsmálaráðherra sem bar þingmenn sömu sökum. Píratinn Arndís Anna Kristínardóttir Gunnarsdóttir er með óflekkað mannorð en varð fyrir barðinu á Andrési sem lagði út af því í frétt að störf Arndísar Önnu í þágu hælisleitenda gerðu hana óheiðarlega. Hún svaraði fullum hálsi. „Ég hafði fengið veður af því að Andrés Magnússon væri ekki faglegasti blaðamaður landsins, en taldi nú samt óhætt að svara nokkrum spurningum sem hann sendi mér,“ skrifaði Arndís og reifaði síðan spurningar Andrésar og svör sem fela í sér innihaldsleysið í frétt Moggans. Margir undrast að þrátt fyrir vafasamt orðspor Andrésar haldi fólk áfram að svara honum og blaðinu sem nú er eina dagblaðið. Rithöfundurinn Hallgrímur Helgason skrifar athugasemd við status Arndísar á Facebook og er harðorður. „Þetta er „ótímabært sáðlát” gæinn. Ekki eyða mínútu í hann“ …