Franundan er áhugaverður málarekstur tengdur afgreiðslustúlkunni Vítalíu Lazereva og Arnari Grant heilsufrömuði. Vítalía hefur, að sögn, kært þá Ara Edwald, Hreggvið Jónsson og Þórð Má Jóhannesson fyrir að kynferðisbrot og brot gegn blygðunarsemi hennar í heitum potti í Borgarfirði. Vítalía uppskar mikla samúð vegna málsins. Pottverjarnir hafa kært Vítalíu og Arnar fyrir tilraun til fjárkúgunar.
Þá sagði hún frá því í þætti Eddu Falak að sjónvarpsmaðurinn Logi Bergmann hefði brotið gegn sér með leyfi Arnars. Logi missti vinnuna fyrir vikið og Arnar reyndar líka
Arnar hefur haldið því fram undanfarna mánuði að ekkert samband sé á milli þeirra Vítalíu. Nú er komið á daginn að parið hefur sést saman undanfarið. Mannlíf sagði frá því í gær að þau hefðu verið að versla í matinn í Krónunni á Hvaleyrarholti. „Dýrasta ást Íslandssögunnar,“ varð einhverjum að orði.
Þetta vekur tortryggni en þýðir væntanlega að þau standa saman í yfirvofandi málarekstri. Fyrir liggur að þetta verður erfitt mál á alla kanta fyrir parið og karlana í pottinum …