Falsfrétt Vigdísar Hauksdóttur

Vigdís Hauksdóttir, borgarfulltrúi Miðflokksins, hefur undanfarin misseri haldið uppi látlausum áróðri gegn Degi B. Eggertssyni borgarstjóra. Þannig hefur hún haldið því fram að Dagur hafi fengið  þrjú bílastæði á kostakjörum frá Reykjavíkurborg sem hefur verið rekið ofan í hana sem falsfrétt. Þá fullyrðir Vigdís að framkvæmdir við Óðinstorg hafi kostað margfalt meira en áætlað hefur verið. Segja má að Vigdís hafi verið með  borgarstjórann á heilanum undanfarið og notað flest tækifæri til að hnjóða í hann. Eftir að fjölskyldubifreið borgarstjórans varð fyrir riffilskoti virðist Vigdís vera brugðið. „Snúum bökum saman hvar í flokki sem við stöndum og komum í veg fyrir ofbeldi,“ skrifar hún á Facebook. Líklega hefur skotmanninum mistekist aðförin að Degi og tryggt honum þess í stað samúð og góða endurkosningu eftir rúmt ár. Viðbúið er að Vigdís sé á útleið úr borgarstjórn …