Hörður Ægisson, viðskiptablaðamaður Fréttablaðsins, er í frekar slæmum málum eftir að Kjarninn flétti ofan af umsvifum hans með bréf í Kauphöllinni og að hann ætti hlut i 13 félögum á markaði. Þá er jafnframt upplýst að Hörður hafi gjarnan fjallað um fyrirtæki sem tengjast honum í Markaði Fréttablaðsins. Fullyrt er að Hörður hafi brotið siðareglur Blaðamannafélags Íslands með framferði sínu. Mál Harðar er nú á borði Jóns Þórissonar, ritstjóra Fréttablaðsins, sem sagði við Kjarnann að blaðamenn Fréttablaðsins færu eftir siðareglum sem hljóma svo: Blaðamaður varast að lenda í hagsmunaágreiningi, til dæmis með því að flytja fréttir eða frásagnir af fyrirtækjum eða hagsmunasamtökum þar sem hann á sjálfur aðild.
Hörður hefur verið áberandi í störfum sínum. Hann hlaut tilnefningu Blaðamannafélags Íslands til rannsóknarblaðamennsku ársins fyrir „greinargóða umfjöllun“ um viðskipti með hlutafé í Arion banka …