Fyrirlitnasti fjölmiðlamaðurinn

Gögnin, sem lekið var frá Páli Steingrímssyni skipstjóra, leiða í ljós að rætnar greinar Páls voru ekki aðeins skrifaðar með velþóknun yfirboðara hans hjá Samherja heldur beinlínis af leigupennum fyrirtækisins. Þorbjörn Þórðarsson, fyrrverandi fréttamaður á Stöð 2 og blaðamaður Morgunblaðsins, hefur skrifað stærstan hluta greina skipstjórans undirgefna. Þorbjörn átti sitt blómaskeið í fréttamennsku og naut nokkurrar virðingar fyrir að fara rétt með í fjölmörgum tilvikum. Hann söðlaði síðar um og hætti á Stöð 2 undir því yfirskini að hann ætlaði að takast á við störf tengd lögmennsku. Síðan hefur hann verið að tjaldabaki hjá Samherja sem draugapenni með það sérsvið að grafa undan Helga Seljan, fyrrverandi kollega sínum, og öðrum þeim sem ekki syngja Samherja lofsöngva. Óhætt er að segja að Þorbjörn sé í dag bæði æruskertur og fyrirlitinn fyrir verk sín. En svo eru aðrir sem vorkenna honum og hafa skilning á því að peningar eru honum mikilvægir. Sjálfur forðast Þorbjörn að svara fyrir verk sín og er sem horfinn af yfirborði jarðar …