Gísli Örn hoppandi kátur

Snillingarnir Gísli Örn Garðarsson leikstjóri og félagar hans í Verbúðinni mega vel við una eftir að hafa hreppt fyrstu verðlaun fyrir besta handritið á Norðurlöndum frá Nor­ræna kvik­mynda- og sjón­varps­sjóðnum. Gísli Örn er hoppandi kátur og þetta mun gefa þeim byr undir báða vængi. Verbúðin er þegar orðin einhver allra vinsælasta sjónvarpsþáttaröð sem sýnd hefur verið á Íslandi. Þjóðin bókstaflega elskar að tala um slor, kvóta og líf í sjávarþorpum. Björn Hlynur Haraldsson, annar handritshöfundanna ásamt Mikael Torfasyni, upplýsti í hlaðvarpinu Mannlífinu að þegar væru í bígerð fleiri þáttaraðir af Verbúðinni. Hann sagði jafnframt frá því að eigendur Vesturport hefðu lagt mikið undir. Það verður að teljast nánast öruggt að þetta verði að veruleika, þjóðinni til gleði og fræðslu …