Innan Sjálfstæðisflokksins er talað um það í lágum hljóðum að Bjarni Benediktsson formaður muni ekki stíga úr stól formanns fyrr en eftir fjögur ár. Þetta er þó háð því að kosningarnar í haust fari ekki illa fyrir Sjálfstæðisflokkinn. Ef svo færi þá mun Bjarni mjög líklega hætta strax. Helsta vandamál Bjarna er tengt veru hans í Ásmundarsal á Þorláksmessu, þar sem sóttvarnarreglur voru þverbrotnar. Í því máli er stefnan sú að hreinsa Bjarna en gera lögreglumennina sem komu á vettvang að sökudólgum fyrir að hafa talað í hálfkæringi um sjálfstæðismenn á vettvangi. Menn eru því bjartsýnir á að planið gangi upp og málið hafi engin áhrif á stöðu Bjarna sem formanns flokksins né sem fjármálaráðherra.
Engir kærleikar eru á milli Bjarna og Guðlaugar Þórs Þórðarsonar utanríkisráðherra og samflokksmanns Bjarna sem vann sigur í prófkjörinu í Reykjavík. Áhrifamaður í Sjálfstæðisflokknum hvíslaði því að blaðamanni Mannlífs að Guðlaugur Þór sé núna í afar sterkri stöðu innan flokksins og horfi til formannsstólsins, girndaraugum. Áslaug Arna Sigurbjörnsdóttur, dómsmálaráðherrra, er hin útnefnda af armi formannsins til að taka við af Bjarna.
Áhrifamaðurinn telur þó engan vafa leika á því að Guðlaugur Þór sé í sterkari stöðu en Áslaug ef svo fari að þau muni berjast um formannsstólinn og telur að Guðlaugur Þór muni að öllum líkindum verða næsti formaður Sjálfstæðisflokksins ef þannig spilast …