Miðvikudagur 10. ágúst, 2022
10.8 C
Reykjavik

Hitnar undir Þórhalli

Helgarviðtalið

- Auglýsing -

Orðrómur

- Auglýsing -

Marga rak í rogastans þegar Heiðar Guðjónsson, forstjóri Sýnar, pakkaði skyndllega saman og seldi ráðandi hlut sinn í fyrirtækinu. Gavia Invest keypti forstjórann út. Jón Skaftason, fyrrverandi fjármálastjóri 365 og náinn samstarfsmaður Jóns Ásgeirs Jóhannessonar, fer fyrir hópnum. Jón er eiginmaður Hildar Björnsdóttur, leiðtoga Sjálfstæðismanna í Reykjavík. Þá er hann sonur Kristínar Þorsteinsdóttur og bróðir Ólafar Skaftadóttur, fyrrverandi ritstjóra Innherja, sem var látin fara frá Sýn nokkru eftir að viðskiptavefurinn Innherji var stofnaður af samstæðunni. Kristín hafði áður látið af störfum hjá 365, forvera fjölmiðlahluta Sýnar, þar sem hún starfaði sem aðalritstjóri og útgefandi Fréttablaðsins.

Innkoma Jóns þýðir varla annað en hallarbyltingu. 365 fjölskyldan er mætt. Nánasti samstarfsmaður Heiðars var Þórhallur Gunnarsson, yfirmaður fjölmiðla Sýnar, sem stóð að því að láta Ólöfu fara á sínum tíma. Það hitnar undir honum og þ ví er spáð að hann verði vængstýfður og jafnvel látinn fara. Óljóst er hverjir leggja til þá fjármuni sem þurfti til kaupanna. Þá er talið víst að Jón Ásgeir ætli sér ekki að verða eigandi að samstæðunni á ný og eigi raunar nóg með að reka olíufélagið Skeljung sem nú heitir Skel og fer með himinskautum á bleikum skýjum Jóns Ásgeirs …

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -