Brotthvarf Halldórs Benjamíns Þorbergssonar af stóli framkvæmdastjóra atvinnulífsins kom fólki í innsta hring ekki á óvart. Halldór Benjamín réði illa við það ástand sem skapaðist þegar Sólveig Anna Jónsdóttir og félagar hennar í Eflingu voru þversum í samningaviðræðum og kostnaðarsöm skæruverkföll dundu á fyrirtækjum. Halldóri skorti þá lipurð í þeim samskiptum sem talsmaður atvinnurekenda þarf að hafa. Nýtt starf hjá fasteignafélaginu Regin var því flóttaleið hans.
Sem dæmi um góðan árangur í þessu starfi er gjarnan er vísað til þeirra tíma þegar Vilhjálmur Egilsson var framkvæmdastjóri og náði til fólks, beggja vegna samningaborðsins. Einar Oddur Kristjánsson var búinn þeim sömu kostum. Sem formaður Vinnuveitendasambandsins leiddi hann svokallaða þjóðarsátt.
Nú leita menn logandi ljósi að arftaka Halldórs sem búi yfir þeim tengslum og kostum sem þarf til að ná sátt á vinnumarkaði á óvissutímum. Einhverjir staldra við nafn Svanhildar Hólm Valsdóttur, framkvæmdastjóra Viðskiptaráðs, sem býr yfir gríðarkegu trengslaneti og þá sérstaklega innan Sjálfstæðisflokksins. Aðrir benda á að hún sé stór upp á sig og muni eiga erfitt með að ná til órólegu deildarinnar innan verkalýðshreyfingarinnar …