Kári Stefánsson, forstjóri Íslenskrar erfðagreiningar, sló í gegn með ræðu sinni á sjómannadaginn í Grindavík þar sem hann gerði að umræðuefni meint misferli sjávarútvegsfyrirtækja gagnvart launþegum sínum. Fáum duldist að hann sendi þarna sneið á Samherja sem hefur þurft að sæta þeim ávirðingum Ríkisútvarpsins að hafa falsað fiskverð og .annig hlunnfarið sjómenn sína.
Hannes Hólmsteinn Gissurarson, fyrrverandi prófessor sem sestur er í helgan stein, stökk til og lýsti orðum Kára sem árás á kvótakerfið og lýðskrumi í færslu á Facebook. Kári brá skjótt við og snupraði þann þæga þjón útgerðarinnar sem hann taldi að hefði ekki lesið ræðu sína. „Þetta minnir á það þegar tónskáld nokkurt skrifaði gagnrýni um tónleika sem ekki voru haldnir. Að vanda ertu að veita vatni á myllu þeirra sem halda því fram að þú sért hroðvirkinn klaufi,“ skrifaði Kári og afgreiddi Hannes út af borðinu …